അര്പ്പണബോധവും സേവനസന്നദ്ധതയും ഒരുമിച്ചുചേരുമ്പോള് ശാസ്ത്ര നൈതികതയുടെ ആള്രൂപമായി ഇബ്നുസീന തിളങ്ങുന്നു.
ഇബ്നുസീന എന്ന സൂക്ഷ്മ നിരീക്ഷകനായ ശാസ്ത്രപ്രതിഭയുടെ, ശക്തമായ വേരുകളുള്ള ദാര്ശനികന്റെ, സമഗ്രവും യുക്തിസഹവുമായ പഠനം അതിന്റെ ചരിത്രപരമായ ദൗത്യത്തിന്റെ ആയിരം വര്ഷം പിന്നിടുന്നു. അഞ്ച് പുസ്തകങ്ങളിലായി രചിക്കപ്പെട്ട 'അല്ഖാനൂനു ഫിത്തിബ്ബ്' അഥവാ 'വൈദ്യശാസ്ത്രത്തിന്റെ നിയമസംഹിത' ചരിത്രത്തില് ഏറ്റവും അധികം കാലം വൈദ്യശാസ്ത്രത്തിന്റെ ബൈബിളായി വിരാജിക്കപ്പെട്ട രചനയാണ്.