നിക്ഷേപങ്ങള് ശരീഅത്ത് നിബന്ധനകള് പാലിക്കുന്നുണ്ടോ എന്നു പരിശോധിക്കാന് അന്താരാഷ്ട്രതലത്തില് അംഗീകരിക്കപ്പെട്ട മാനദണ്ഡങ്ങളാണ് 'അക്കൗണ്ടിംഗ് ആന്റ് ഓഡിറ്റിംഗ് ഓര്ഗനൈസേഷന് ഫോര് ഇസ്ലാമിക് ഫിനാന്ഷ്യല് ഇന്സ്റ്റിറ്റിയൂഷന്സ്' (AAOIFI) പുറപ്പെടുവിക്കുന്നത്.
കേരളത്തിലെ മുസ്ലിം സമൂഹത്തില് സാമ്പത്തിക നിക്ഷേപങ്ങളെക്കുറിച്ചുള്ള അവബോധം വര്ധിച്ചുവരുകയാണ്. പലിശരഹിതമായ വരുമാനമാര്ഗങ്ങള് തേടുന്നവര് ഓഹരിവിപണിയിലേക്ക് തിരിയുമ്പോള് പലപ്പോഴും 'എത്തിക്കല് ഫണ്ടുകള്' അല്ലെങ്കില് ESG (Environmental, Social and Governance) ഫണ്ടുകള് എന്ന പേരില് അറിയപ്പെടുന്ന പദ്ധതികളെ പൂര്ണമായും ഹലാലായി കണക്കാക്കാറുണ്ട്. എന്നാല് സാങ്കേതികമായി ഇവ രണ്ടും വ്യത്യസ്തമാണ്. നിക്ഷേപകര് അറിഞ്ഞിരിക്കേണ്ട അടിസ്ഥാനപരമായ വസ്തുതകള് താഴെ വിവരിക്കുന്നു.